Semeilik ólketanýshy Shafkat Faizýllin tatar ólkesinde uly oishyl Abai Qunanbaevtyń ózi toqtaǵan úidi kórsetip, ol jaiynda baiandap berdi, dep habarlaidy QazAqparat.
Sh.Faizýllin Abaidyń gýbernatordyń úiine barǵan kezde qabyldaý bólmede aýdarmashy, orys tilin jaqsy meńgergen Jinaliev tegi bar Altai qazaǵymen tanysqanyn baiandady. Áńgime barysynda aqyn onyń Ertis jaǵalaýynda ornalasqan úiine toqtaýǵa sheshim qabyldaidy.
«Men tatarlar týraly material jinaǵanda, Jinalievtiń nemere qyzy maǵan Abai Týraly aityp bergen. Tatar ólkesinde onyń atasy turatyn. Birde ájesi oǵan Abaidyń fotosýretin kórsetip, onyń Ibrahim ekenin, solardyń úiinde túnep shyqqanyn aitty. Basqa egjei-tegjeilerin bilmeimin. Jinalievtiń nemere qyzy qaitys bolǵan», - dep atap ótti ólketanýshy.
Kezinde uly oishyl turaqtaǵan Chaijúnisov kóshesindegi úi áli kúnge deiin saqtalyp qalǵan. Ólkentanýshy QazAqparat tilshisine bul úidi kórsetti. Bul – birqabatty bórene úi. Sh.Faizýllin. aýdarmashynyń Ǵani esimdi uly bolǵanyn, sol kezde mal satýmen ainalysqanyn baiandady.
Aita ketsek, Abai murajaiy bul faktini rastamaidy, biraq teriske de shyǵara almaidy.
Eske sala ketsek, Semei qalasynda «Alash arystary – Muhtar Áýezov» murajai úii bar. Bul úi 1898 jyly Ániiar Moldabaevtiki bolǵan. Oǵan bul úidi satyp alýǵa Abaidyń ózi kómektesip, keiin onda kóp ret toqtaǵan.
