Semei qalasynda kópqabatty turǵyn úi salý qarqynynyń artýyna bailanysty qurylys salasynyń mamandary jetispei jatyr, dep habarlaidy "Ult aqparat".
«Osydan tórt jyl buryn belgili qurylysshylardyń birine Semeide aldaǵy ýaqytta qurylys mamandary tapshy bolatynyn eskertken edim. Mine, sol aitqanym týra keldi. Biz qazir salynyp jatqan 160 myń sharshy metr turǵyn úidiń qurylys qarqynyn eki ese arttyra alamyz. Biraq adam jetispeitindigi buǵan kedergi bolyp tur. Osyndai tapshylyq tek Semeide emes, Shyǵys Qazaqstannyń ár óńirinde baiqalady», - dedi Danial Ahmetov qoǵamdyq keńes aldyndaǵy esebinde.
Osyǵan orai oblys ákimi bilim jáne qurylys basqarmalaryna aimaq boiynsha salynyp jatqan turǵyn úi kólemine sáikes qurylys mamandaryn oqytýdy tapsyrdy.
Danial Ahmetovtyń aitýynsha, biyl 10 jańa áleýmettik nysannyń qurylysy bastalmaq. Onyń ishinde Abai aýdanynyń ortalyǵy - Qaraýyl aýylyndaǵy orta mektep, Glýbokoe aýdanyndaǵy mádeniet úii, Aiagóz aýdany Aqtoǵai aýylyndaǵy dene shynyqtyrý-saýyqtyrý ortalyǵy bar.
