Semeide qatty jeldiń saldarynan kópirdiń 15 metr bolatyn qorshaýy opyryldy.
Jolaýshylar kóligi jáne avtomobil joldary basqarmasy bul baǵytta jaiaý júrginshilerge arnalǵan joldyń jabylǵanyn málimdedi.
«Bul jer eskertý taspalarymen qorshalyp, jaiaý júrginshiler úshin oń jaq jaǵalaý baǵytyndaǵy jol jabyldy. Júrgizýshiler úshin kólik qozǵalysy (tórt jolaq) ashyq. Qorshaýlardy qalpyna keltirý jumystary júrgizilip jatyr», - dedi basqarma basshysynyń mindetin atqarýshy Ádilbek Ývasilov.
Qala ákimdiginiń málimetinshe, qulaǵan qorshaýlar optikalyq bailanys jelilerin zaqymdap, sol jaq jaǵalaý turǵyndaryn internetsiz qaldyrdy.
«Semei qalasy ákimdigi apat saldarynan «Qazaqtelekom» AQ-nyń optikalyq bailanys jelileri zaqymdalǵandyqtan internetke qosylý ázirge múmkin emes. Jaqyn arada internet jumysy qalpyna keltiriledi», - delingen habarlamada.
