Semei qalasynda kólik qaqqan 9 jasar bala kóz jumdy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, jol-kólik oqiǵasy keshe Ozerki aýyly men Shyǵys kentiniń aralyǵyndaǵy tasjolda bolǵan.
«Volkswagen» markaly avtokólikti tizgindegen 21 jastaǵy júrgizýshi joldan ótip bara jatqan balany qaǵyp ketti.
«9 jasar bala sol jerde kóz jumdy. Qazirgi ýaqytta atalǵan fakti boiynsha Qazaqstan Respýblikasy Qylmystyq Kodeksiniń 345-baby 3-bóligine (Kólik basqaratyn adamdardyń jol júrisi nemese kólik quraldaryn paidalaný qaǵidalaryn buzýy saldarynan abaisyzda adam ólimine ákep soǵýy) sáikes sotqa deiingi tergeý amaldary bastaldy», - dep habarlady vedomstvo ókilderi.
Kólik júrgizýshisi ýaqytsha ustaý izoliatoryna qamaýǵa alynǵan.
