Semei qalasynda eki adamdy kólik qaǵyp ketti, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, jol-kólik oqiǵasy 1 jeltoqsan kúni keshki saǵat 22:20-da Qabanbai batyr men Gette kósheleriniń qiylysynda bolǵan.
«Land Rover kóliginiń 29 jastaǵy júrgizýshisi rettelmegen jaiaý júrginshiler jolaǵynan ótip bara jatqan eki adamdy qaǵyp, sol jerden iz sýytty. 20 jastaǵy jigit oqiǵa ornynda kóz jumdy. Al jaraqat alǵan 16 jastaǵy qyz aýrýhanaǵa jatqyzylǵan», - delingen aqparatta.
Qazirgi ýaqytta politsiia qyzmetkerleri kúdiktini ustady. Oǵan qatysty QR Qylmystyq Kodeksiniń 345-baby 3-bóligi jáne 347-babyna sáikes sotqa deiingi tergeý amaldary bastaldy.
