Foto: Telegram / @abainewskz
Semeide bir top qańǵybas it segiz jastaǵy qyzǵa shabýyl jasady. Anasy balany áreń arashalap alǵan, - dep habarlaidy Tengrinews.kz saity Abai News Telegram-arnasyna silteme jasap.
Oqiǵa 21 sáýirde saǵat 18:00 shamasynda Bógenbai batyr kóshesinde bolǵan. Zardap shekkenderdiń aitýynsha, olarǵa qabaǵan itter shabýyl jasap, birden balany bas salǵan.
"Alǵashynda qolynan, keiin betinen ustady. Baqytymyzǵa orai, jaqyn jerde boldyq, al bala qalyń qysqy kúrteshe kigen. Men, ulym jáne anam áiteýir degende itti qýyp jiberdik", - dedi otbasy múshesi.
Ákesiniń aitýynsha, bala qatty kúizeliske ushyrap, qazir únemi jylai beredi.
"Qyzym jalǵyz bolsa, ne bolatynyn elestetkim kelmeidi. Qansha ýkol aldyq, taǵy qansha alý kerek. Bul bizdiń oblystaǵy úlken másele. Balalar mektepke, jattyǵýǵa barýǵa qorqady. Qańǵybas itterdi ustaý qyzmeti muny istegisi kelmeidi, al politsiia eshteńe istei almaidy. Biz ne isteimiz? Erteń taǵy bir bala osy jaǵdaiǵa túsýi múmkin. Aýrýhanada tigis jasady. Tistegen jeri tereń bolyp shyqty, qan kóp aqty", - dep qosty qyzdyń ákesi.
