Semei qalasynda iz-tússiz joǵalǵan 74 jastaǵy qariianyń denesi tabyldy, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, 9 naýryzda «102» jedel arnasyna Ertis boiyndaǵy kópir mańynda er adamnyń denesi jatqandyǵy týraly habar túsken.
«Marqumnyń kim ekendigi anyqtaldy. Bul osyǵan deiin joǵalyp ketken Semei qalasynyń turǵyny Oralbek Ómirǵaliev. Onyń neden kóz jumǵany áli belgisiz. Qazirgi ýaqytta atalǵan fakti boiynsha tiisti sharalar qolǵa alynýda», - dep habarlady vedomstvo ókilderi.
Aita keteiik, 1946 jyly týǵan qariia 7 naýryz kúni joǵalyp ketken bolatyn. Úiden belgisiz baǵytta shyǵyp ketken zeinetkerdi izdestirý jumystaryna volonterler de tartylǵan edi.
