سەمەي قالاسىندا ٸز-تٷسسٸز جوعالعان 74 جاستاعى قارييانىڭ دەنەسٸ تابىلدى, دەپ حابارلايدى "ۇلت اقپارات".
قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, 9 ناۋرىزدا «102» جەدەل ارناسىنا ەرتٸس بويىنداعى كٶپٸر ماڭىندا ەر ادامنىڭ دەنەسٸ جاتقاندىعى تۋرالى حابار تٷسكەن.
«مارقۇمنىڭ كٸم ەكەندٸگٸ انىقتالدى. بۇل وسىعان دەيٸن جوعالىپ كەتكەن سەمەي قالاسىنىڭ تۇرعىنى ورالبەك ٶمٸرعاليەۆ. ونىڭ نەدەن كٶز جۇمعانى ەلٸ بەلگٸسٸز. قازٸرگٸ ۋاقىتتا اتالعان فاكتٸ بويىنشا تيٸستٸ شارالار قولعا الىنۋدا», - دەپ حابارلادى ۆەدومستۆو ٶكٸلدەرٸ.
ايتا كەتەيٸك, 1946 جىلى تۋعان قارييا 7 ناۋرىز كٷنٸ جوعالىپ كەتكەن بولاتىن. ٷيدەن بەلگٸسٸز باعىتتا شىعىپ كەتكەن زەينەتكەردٸ ٸزدەستٸرۋ جۇمىستارىنا ۆولونتەرلەر دە تارتىلعان ەدٸ.
