sýret ashyq derekkózden alyndy
Semeide Ertiske qulap ketken 7 jasar balanyń denesi tabyldy, - dep habarlaidy "Ult aqparat".
Oblystyq tótenshe jaǵdailar departamentiniń málimetinshe, 21 sáýir saǵat 19.56-da 112 pýltine akvapark mańynda balanyń sýǵa qulap ketkeni týraly habarlama túsken.
Oqiǵa ornyna qutqarý bólimsheleri birden jiberilgen.
"21 sáýirde ózen jaǵasynda oinap júrgen 2016 jyly týǵan bala sýǵa qulap ketken. Izdestirý-qutqarý jumystary bastalyp, búgin saǵat 09:45-te ul balanyń denesi tabyldy. Ony ótip bara jatqandar oqiǵa ornynan 15 shaqyrym jerde, Ertis jaǵasynan taýyp alǵan", - delingen Abai oblysy Tótenshe jaǵdailar departamentiniń baspasóz qyzmeti taratqan habarlamada.
Balany izdeýge Abai oblysy Tótenshe jaǵdailar departamentinen 20 adam, 6 tehnika jáne 3 júzý nysany, LIDER.KZ qozǵalysynyń 20 eriktisi, balanyń 10 týysy, 50 politsiia qyzmetkeri jumyldyrylǵan.
