Semei qalasynda jer úiden órt shyǵyp, 2 adam kóz jumdy, dep habarlaidy "Ult aqparat".
Shyǵys Qazaqstan oblystyq Tótenshe jaǵdailar departamenti baspasóz qyzmetiniń málimetinshe, Shákárim kóshesindegi jeke turǵyn úidiń órtenip jatqanyn kórgen kórshileri birden órt sóndirýshilerge habarlasqan. Al sol kezde úidegi otbasy músheleri qannen-qapersiz uiyqtap jatqan. Bir ýaqytta úi iesiniń 1997 jylǵy uly oianyp ketip, jubaiy men balalaryn ózge bólmege aparady. Al ákesin oiatýǵa júgire jónelgen ol esinen tanyp qalǵan.
«Áiel adam balalarymen birge tereze arqyly syrtqa shyqpaq bolǵan. Alaida onysynan túk shyqpady. Oqiǵa ornyna kelip jetken órt sóndirýshiler men politsiia qyzmetkerleri tereze aldynda turǵan eki balasy bar áieldi kórgen. Olar terezeni shaǵyp, úsheýin dalaǵa shyǵardy. Ókinishke qarai, otbasynyń otaǵasy men onyń ákesin qutqarý múmkin bolmady», - dep habarlady vedomstvo ókilderi.
Tótenshe jaǵdailar departamentiniń dereginshe, jalyn sharpyǵan aýmaq 45 sharshy metrdi quraǵan. Tilsiz jaýdyń shyǵý sebebi – ot jaǵý kezindegi salaqtyq nemese órt qaýipsizdigi erejelerin saqtamaýdan bolýy múmkin. Jalyndy sóndirýge jeke quramnan 12 adam men 3 tehnika jumyldyryldy.
