Semei qalasynda Álihan Bókeihan beinelegen mýral paida boldy, dep habarlaidy "Ult aqparat".
Qazaq innovatsiialyq gýmanitarlyq-zań ýniversitetiniń bastamasymen Semei qalasynda Alash kósemi Álihan Bókeihan beinelegen mýral paida boldy. Bul el Táýelsizdiginiń 30 jyldyǵy jáne Álihan Bókeihannyń 155 jyldyǵy aiasynda júzege asyp otyr.
«Alash qairatkeriniń beinesi qaladaǵy kópqabatty úilerdiń birine kórkem mýral túrinde salyndy. Úsh ai daiyndyqtan soń jumys eki jumaǵa sozylǵan. Sonymen qatar ýniversitet óz esebinen sol kópqabatty úidiń ainalasyna jóndeý, abattandyrý, aýlasy men kireberisti jaryqtandyrý jumystaryn júrgizdi», - deidi bilim ordasynyń rektory Shyryn Qurmanbaeva.
Aita keteiik, mýral Shákárim dańǵyly, 15 mekenjaiy boiynsha ornalasqan kópqabatty turǵyn úidiń qabyrǵasyna salynǵan. Onyń avtory – kásibi sýretshi Aleksandr Romanov.
