Semeide Abai Qunanbaiulynyń 175 jyldyǵy qarsańynda birqatar jumys bastalyp ketti, dep habarlaidy "Ult aqparat" qalalyq aqparattyq ortalyǵyna silteme jasap.
Búginde memlekettik standart qabyldanǵan. Soǵan sáikes, jol jieginde ornalasqan ashanalarǵa sanitarlyq talaptarǵa sai bolýy mindetteledi. Sondai-aq, káriz júieleri qosylyp, ystyq sýmen qamtamasyz etilýi tiis. Osyǵan orai, qala ákimdigi basshylary kelýshilerge tolyqqandy zamanaýi qyzmetti kórsetý jóninde aqpar berý úshin arnaiy qurylǵan jumys tobymen reid ótkizdi.
«Búgin biz osy jaǵdailardy aldyn alý maqsatymen obektiler ielerine konsýltativti túrde kómek kórsettik. Arnaiy qurylǵan jumys tobymen birge, iaǵni SES mekemesi, TJ mekemesi jáne salalyq bólimdermen birigip, Óskemen trassasy boiyndaǵy birneshe obektilerde boldyq. Olar "Borandy beket", "Tereń-qudyq", "Faiza", "Perekrestok", "Ý Vitka". Keibir ashanalar kelýshiler úshin qolaily jaǵdai jasap, barlyq sanitarlyq-gigienalyq talaptarǵa sai jumystaryn júrgizip, káriz júielerin tarttyrǵan. Al basqalary endi kirisip, qalpyna keltirý jumystaryn júrgizip jatyr.Olar jumysty jyldyń sońyna deiin tolyq aiaqtaimyz dep sendirdi», - deidi Semei qalasynyń dene shynyqtyrý jáne sport bóliminiń týrizmdi damytý sektorynyń meńgerýshisi Azamat Amangeldiuly.
Joǵaryda atap ótkendei, keler jyly mereitoiǵa bailanysty shetelderden týrister keledi. Olarǵa tolyq múmkinshilik jasalyp, servistik qyzmet kórsetý deńgeiin arttyrý kózdelip otyr.
