Politsiia Shyǵys Qazaqstan oblysynda 30-dan astam adamǵa jalǵan vaktsina pasportyn satqan memditsna qyzmetkerlerin ustady, dep habarlaidy "Ult aqparat".
Bul týraly baspasóz ókili Ishki ister ministrliginiń baspasóz ókili Shuǵyla Turlybek vedomstvonyń aqparat alańynda ótken onlain brifingide aitty.
«Shyǵys Qazaqstan oblysynyń politseileri vatsinalaý pasportyn qoldan jasap, satý áreketiniń joly kesti. Semei qalasynda jedel izdestirý sharasyn júrgizý kezinde eki meditsinalyq qyzmetkerdiń jalǵan qujat satyp aqsha tappaq bolǵany anyqtaldy. Ol úshin qaladaǵy meditsinalyq-áleýmettik mekemelerdiń birinde jumys isteitin bir qyzmetker óziniń esepshotyna jekelegen azamattardan 15 myń teńge kóleminde aqsha qabyldap otyrǵan. Ol aqshanyń 10 myń teńgesi men qujatqa tapsyrys bergen azamattyń jeke kýáliginiń kóshirmesin jedel meditsitsnalyq járdem ortalyǵyndaǵy tanystaryna berip otyrǵan. Olar álgi azamattardyń jeke málimetterin vaktsina alǵan adam retinde derekter bazasyna engizgen», - dedi IIM ókili.
Qazir atalǵan oqiǵa boiynsha qylmystyq is qozǵalyp, jalǵan pasport jasatqandardyń naqty sanyn anyqtaý jumystary júrip jatqan kórinedi.
«Qylmystyq is aiasynda zańnan attaǵan azamattar anyqtalyp, tergelip jatyr. Ustalǵan mamandardyń aitýynsha, olar 30-dan astam qala turǵynyna jalǵan vaktsina qujatyn satqan. Biraq tergeýshi mamandardyń pikirinshe, bul san áldeqaida kóp bolýy múmkin. Tergeý qorytyndysy boiynsha zańsyz jolmen bazaǵa engizilgen jalǵan málimetterdiń bári joiylady.
ShQO politsiia departamentiniń basshysy Saǵat Mádiev aitqandai, meditsinalyq qyzmetkerlerdiń bul áreketi Qylmystyq kodekstiń 385-baby boiynsha qaralyp jatyr. Bul bap 4 jylǵa deiin bas bostandyǵyna aiyrý jazasyn kózdeidi», - dedi Shuǵyl Turlybek.
