Semei turǵyny ashý ústinde bóten kólikti órtep jiberdi, – dep habarlaidy Polisia.kz.
Aǵymdaǵy jyldyń 30 qazanynda Semei q. PB Áýezov PB “102” jedel arnasyna qalanyń 18 jastaǵy turǵyny júginip, 30 qazanda túngi ýaqytta belgisiz bireý úiiniń janynda turǵan “Nissan” avtokóligin órtep jibergenin habarlaǵan. Keltirilgen zalal 1 150 000 teńgeni qurady.
Jedel-izdestirý sharalaryn júrgizý kezinde kriminaldyq politsiia qyzmetkerleri 35 jastaǵy jergilikti turǵyndy anyqtap, politsiia bólimine jetkizdi.
– Tergeý amaldary barysynda qaskói jábirlenýshiniń ákesimen birge úide ishimdik ishkeni anyqtaldy. Ishimdik ishý kezinde olardyń arasynda janjal oryn alǵan, ol janjaldan ákesin qorǵap 18 jastaǵy jábirlenýshi aralasyp, qonaqty bir ret urǵan. Osy soqqynyń saldarynan 35 jastaǵy er adam ashýlanyp, kóshege shyǵyp, temeki shegip, onyń tuqylyn jábirlenýshige tiesili “Nissan Presea” avtokóliginiń salonyna laqtyryp, odan ári ashýlanyp qorshaýdan shyqqan soń sol jerde turǵan “VAZ-2199” jáne “Nissan Presea” markaly taǵy eki kóliktiń terezelerin syndyryp ketken. Sodan keiin mas kúiinde óziniń avtokóline otyryp, úiine bara jatqanda ony patrýldik nariad toqtatyp, politsiia bólimine jetkizdi, – dedi ShQO PD bastyǵy Saǵat Madiev.
Atalǵan fakti boiynsha QR QK-niń 202-babynyń 1-bóligi (Bótenniń múlkin qasaqana joiý nemese búldirý) boiynsha sotqa deiingi tergeý bastaldy. Onyń sanktsiiasynda eki jylǵa deiin bas bostandyǵynan aiyrý jazasy kózdelgen.
