Semei poligony jeriniń 85 paiyzy aýyl sharýashylyǵy ainalymyna engiziledi. Bul týraly búgin elordada ótip jatqan Aziiadaǵy iadrolyq kooperatsiialar forýmynyń ministrler deńgeiindegi 18-keńesi aiasynda suhbat bergen QR Ulttyq iadrolyq ortalyǵynyń bas direktory Erlan Batyrbekov aitty, dep habarlaidy "Ult aqparat" QazAqparat agenttigine silteme jasap.
«Ulttyq iadrolyq ortalyqtyń radiatsiialyq apattardy joiýda, sonymen qatar radiatsiiamen lastanǵan jerlerdi qalpyna keltirýde úlken tájiribesi bar. Bul tájiribe Semei poligonynan alynyp otyr. Búginde ol jerdiń shamamen 50 paiyzyn zerttedik, olardy qalpyna keltirý baǵdarlamasy ázirlendi. 2023 jyly Semei poligony problemasyn tolyqtai sheshýdi josparlap otyrmyz. Iaǵni, Semei poligonynyń barlyq jeriniń 85 paiyzdan astamyn aýyl sharýashylyǵy ainalymyna engizemiz. Degenmen, 10-15 paiyz jer qor bolyp qalady», - dedi ortalyq bas direktory.
Onyń aitýynsha, Qazaqstan sol qalǵan jerlerdiń ózin tiimdi paidalanatyn bolady.
«Biz ol jerlerdi paidalanýdy úirendik. Atap aitqanda, «Qazmyrysh» úshin «Balapan» alańynda óndiristik qaldyqtarǵa arnalǵan poligon qurdyq. «Balapan» alańy jerasty iadrolyq jarylystary úshin paidalanylǵan edi. Iaǵni, bul jerlerdi paidalaný múldem kózdelmegen-di. Degenmen, búgingi kúni bul jer memleketke naqty paida ákelýde», - dedi Erlan Batyrbekov.
