Foto: primeminister.kz
Ekologiia jáne tabiǵi resýrstar ministri Erlan Nysanbaev biyl Abai oblysy Semei ormany rezervatynda bolǵan órt ádeii jasalaýy múmkin be degen saýalǵa jaýap berdi, dep habarlaidy Kazinform agenttigi.
«Abai oblysyndaǵy orman órti boiynsha múddeli memlekettik organdar ókilderiniń arasynan qurylǵan arnaiy komissiianyń qorytyndysy bar. Onda órtke sebep naizaǵai dep naqty aitylǵan. Naizaǵai túsken aǵash dáleli bar. Biz resmi nusqany ustanamyz. Qasaqana órteýge qatysty tergeý nátijelerin kúteiik, sodan keiin túsinikti bolady. Biz ormandardyń ádeii órtenip jatqany týraly áńgimelerdi únemi estip jatamyz», - dedi Erlan Nysanbaev OKQ-de ótken brifingide.
Ekologiia ministriniń aitýynsha, sońǵy 30 jylda qasaqana órteý faktileri tirkeldi.
«Biz ony jasyrmaimyz, biraq sońǵy jyldary jaz óte qurǵaq boldy jáne tabiǵatty qorǵaý kásiporyndary naýryzdan qazanǵa deiin qarbalas rejimde jumys isteidi. Statistika kórsetip otyrǵandai, órttiń 70%-y dalalyq jerde tirkeledi. Odan bólek naizaǵai sebep. Meniń tájiribemde Semei oblysynda jumys istegen kezimde táýligine 25 naizaǵai bolýy múmkin edi», - dep tolyqtyrdy vedomstvo basshysy.
