«Semei ormany» rezervaty aýmaǵynda órttiń taralýy toqtatyldy. Bul týraly Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet Facebook-tegi paraqshasynda jazdy, dep habarlaidy "Ult aqparat".
Jalyndy aýyzdyqtaýǵa «Semei Ormany» rezervatynyń qyzmetshileri, «Qazáýeormanqorǵaý» áýe desanttary, orman kúzeti jáne TJD qyzmetkerleri, jalpy 400 adam men 100-den astam tehnika jumyldyrǵan.
Tótenshe jaǵdailar komitetiniń habarlaýynsha, órttiń qaraǵaily ormanda taralýy toqtatyldy. Alaida ormannyń ashyq alqaptaryndaǵy jeke oshaqtardyń janýy jalǵasyp jatyr.
IIM TJK aviatsiiasy órtti tikushaqpen sóndirýge árekettenýde, qazirgi ýaqytta MI-26T tikushaǵy 12 márte jalpy kólemi 100 tonnadan asatyn sý shashsa, ákimdiktiń Mi-8 borty 13 ret 30 tonnadan astam sý shashqan.
Aita keterligi, orman órti shamamen 2 myń gektar aýmaqty sharpyǵan.
