Foto: Egemen Qazaqstan
Májilis depýtaty Nurtai Sabilianov Abai oblysyndaǵy «Semei ormany» memlekettik orman tabiǵi rezervaty» qyzmetkerlerine ústemaqy tóleý máselesin kóterdi, -dep habarlaidy "Ult Aqparat".
Depýtat osy másele boiynsha ózine hattar kelip túsetinin aityp, QR Premer-Ministri Oljas Bektenovke saýal joldady. Onda Sabilianov mynandai úshi másele kótergen:
Birinshiden. Tehnikalyq personalǵa ústemaqy tóleý máselesi.
Qazaqstan Respýblikasy Úkimetiniń 2015 jylǵy 31 jeltoqsandaǵy № 1193 qaýlysyna sáikes Qazaqstan Respýblikasy memlekettik orman sharýashylyǵy qyzmetkerlerine densaýlyqqa jáne ómirge ziian keltirý qaýpiniń tónýine bailanysty jumys úshin 100%-ǵa deiin qosymsha ústemaqy berý qarastyrylǵan.
Alaida, «Semei ormany» memlekettik orman tabiǵi rezervaty» respýblikalyq memlekettik mekemesiniń tehnikalyq personaldaryna - júrgizýshiler, radiobailanys operatorlary, traktorshylar, óndiristik jáne ákimshilik úi-jailardy jinaýshylar jáne taǵy basqalaryna (№ 131 erekshelik qyzmetkerlerine) únemdeýdiń joqtyǵyna bailanysty ústemaqy tolyq tólenbei otyr. Bul másele sheshimin tabý kerek.
Ekinshiden. Aýyldyq jerlerde jumys istegeni úshin 25% qosymsha aqy qosý máselesi.
Aýyldyq jerlerde tabiǵatty qorǵaý fýnktsiialaryn júzege asyratyn laýazymdy adamdarǵa 25%-dan kem emes ústemaqy tólenýi tiis.
Abai oblysy ákimdiginiń 2023 jylǵy 7 aqpandaǵy № 32 qaýylysyna sáikes basqarýshy personal jáne negizgi personalǵa kiretin laýazymdar tizbesi bekitilgen. Oǵan tabiǵat qorǵaý mekemeleriniń mamandary men qyzmetkerlerine, aýyldyq jerlerde tabiǵatty qorǵaý fýnktsiialaryn júzege asyratyn laýazymdy adamdar sanaty engizilmegen.
Osy sanatty atalǵan qaýlyǵa engizý qajet.
Yshinshiden. Qyzmetkerlerge saýyqtyrý járdemaqylaryn tóleý máselesi.
Eńbek Kodeksine sáikes memlekettik biýdjet esebinen ustalatyn azamattyq qyzmetshilerge laýazymdyq ailyqaqy mólsherinde saýyqtyrýǵa arnalǵan járdemaqy tólene otyryp, jyl saiynǵy aqy tólenetin negizgi eńbek demalysy beriledi. «Semei ormany» memlekettik orman tabiǵi rezervaty» respýblikalyq memlekettik mekemesiniń tehnikalyq personal sanatyna kiretin 1500-ge jýyq qyzmetker osy járdemaqyny ala almai otyr.
Osyǵan bailanysty depýtat «Semei ormany» memlekettik orman tabiǵi rezervaty» respýblikalyq memlekettik mekemesiniń tehnikalyq personalyna (№131 erekshelik qyzmetkerlerine) ústemaqy tóleýdi; aýyldyq jerlerde tabiǵatty qorǵaý fýnktsiialaryn júzege asyratyn laýazymdy adamdarǵa aýyldyq jerlerde jumys istegeni úshin 25% qosymsha aqy qosýdy; tehnikalyq personalǵa saýyqtyrý járdemaqylaryn tóleýdi jáne olardyń meditsinalyq ońaltý uiymdarynda emdelýin qamtamasyz etýdi; orman sharýashylyǵy qyzmetkerleriniń ómiri men densaýlyǵyn saqtandyrý máselelerin qarastyrýdy suraitynyn aitty.
