Semeidiń ákimdik ǵimaratynan jarylǵysh zat tabylǵan joq, dep habarlaidy "Ult aqparat" qalalyq politsiia basqarmasynyń baspasóz qyzmetine silteme jasap.
«Saǵat 17.00-de ákimdik ǵimaratynda jarylǵysh zat qoiylǵany jaily habarlama boiynsha jedel-izdestirý is-sharalary aiaqtaldy. Alańdaýǵa esh sebep joq. Mamandar jarylǵysh zattardy tappady» dep málim etti vedomstvodan.
Semei qalalyq politsiiasy QR QK 273-baby boiynsha kózdelgen qylmystyq zań buzý belgileri boiynsha sotqa deiingi tergeýdi bastady.
Bul bap daiyndalyp jatqan terrorizm aktisi týraly kórineý jalǵan habarlama bergeni úshin alty jylǵa deiin bas bostandyǵynan aiyrýdy kózdeidi.
Esterińizge sala keteiik, kúndiz qalalyq ákimdiktiń ǵimaratynda jarylǵysh zat qoiylǵany týraly anonim telefon qońyraýy túsken bolatyn.
