Úndistannyń Djaipýr qalasynda 11 adam naizaǵai túsip qaitys boldy, taǵy kóptegen adam jaraqat aldy, dep habarlady Sputnik agenttigi "Izvestiia" basylymyna silteme jasap.
Adamdar jańbyr jaýyp turǵan kezde tanymal týristik oryn sanalatyn 12 ǵasyr murasyna jatatyn Amber-fort kúzet munarasynda sýretke túsken. Oqiǵa bolǵan kezde munara ústinde 27 adam bolǵan. Naizaǵai túsken kezde kei adam munaradan jerge sekirip ketken.
Qaiǵyly oqiǵa saldarynan 11 adam qaitys boldy, zardap shekkender bar.
Sonymen qatar jeksenbide shtattyń basqa eldi mekenderinde naizaǵai soqqysynan taǵy toǵyz adam qaitys boldy, dep jazady Bi-Bi-si. Basylym aqparatyna sáikes, 2004 jyldan bastap Úndistanda shamamen 2 myń adam naizaǵai túsip qaitys bolǵan.
