Ulttyq qaýipsizdik komitetiniń Shekara qyzmeti Qazaqstannan zańsyz valiýta alyp shyǵý áreketteriniń jolyn kesip jatyr, dep habarlaidy ult.kz.
1-10 tamyz aralyǵynda eldiń ótkizý pýnktterinde deklaratsiialanbaǵan aqsha qarajatyn alyp ótýge qatysty 70 áreket anyqtalǵan. Jalpy somasy 645 mln teńgeden astam valiýta tárkilengen.
Máselen, Jambyl oblysyndaǵy «Qordai» avtomobil ótkizý pýnktinde shekaralyq baqylaý kezinde shetel azamatynyń kiiminiń astynan 70 myń AQSh dollary tabylǵan. Bul shamamen 32,5 mln teńgege teń.
Anyqtalǵan faktiler boiynsha materialdar protsessýaldyq sheshim qabyldaý úshin quzyretti organdarǵa joldandy.
Shekara qyzmeti qolma-qol aqshany Qazaqstan aýmaǵynan tys jerge 10 myń AQSh dollarynan asatyn mólsherde alyp shyǵýǵa bolmaitynyn eske salady. Zańda belgilengen shekten asatyn qarajat tiisti tártippen deklaratsiialanýy qajet.
