Segiz Qazaqstan azamaty koronavirýs infektsiiasy shyqqan Qytaidyń Ýhan qalasynan Resei men Ózbekstanǵa evakýatsiialandy, dep habarlaidy "Ult aqparat" QR SIM baspasóz qyzmetine silteme jasap.
«Qazaqstandyq taraptyń ótinishi boiynsha búgin túnde Qytaidyń Ýhan qalasynan Resei men Ózbekstannyń arnaiy borttarymen bizdiń taǵy 8 azamatymyz qaýipsiz jerge jetkizildi.
Bizdiń bes azamatymyz Tashkent qalasynda eki aptalyq dárigerlerdiń baqylaýynda, al qalǵan úsheýi Túmen qalasynda qadaǵalaýda bolady», delingen habarlamada.
SIM baspasóz qyzmetiniń málimetinshe, evakýatsiialanǵandar arasynda osyǵan deiin QHR-nyń epidemiologiialyq qyzmetterimen dene qyzýy saldarynan shyǵarylmaǵan Iantszy Ýniversitetiniń 1 kýrs stýdenti bar.
«Otyrǵyzý aldynda QR azamattary qosymsha meditsinalyq tekserýden ótip, olardyń arasynda dene qyzýy nemese koronavirýs simptomdary bar adamdar anyqtalǵan joq», delingen habarlamada.
Eske sala ketsek, 3 aqpan kúni Qazaqstan Ýhan qalasynan óziniń 83 azamatyn, sonyń ishinde 80 stýdentti evaýatsiialaǵan bolatyn.
