Beineden alynǵan kadr
Shýchinskidegi dámhanadaǵy jarylystan keiingi qaiǵyly oqiǵa áli de jalǵasyp jatyr. Aýyr jaraqat alǵan taǵy bir adam kóz jumyp, qurbandar sany 12-ge jetti, dep habarlaidy Ult.kz.
Shýchinsk qalasyndaǵy dámhanada bolǵan jarylys pen órtten zardap shekken taǵy bir adamnyń qaitys bolǵany belgili boldy. Densaýlyq saqtaý ministrliginiń málimetinshe, naýqas Astanadaǵy aýrýhanalardyń birinde kóz jumǵan.
Er adam sanitarlyq aviatsiia arqyly jetkizilip, jansaqtaý bóliminde em qabyldap jatqan. Alaida aýyr kúiik pen tynys alý joldarynyń zaqymdanýyna bailanysty esin jimastan qaitys boldy.
Eske salaiyq, qaiǵyly oqiǵa 26 aqpan kúni keshki ýaqytta bolǵan. Shýchinskide bes qabatty turǵyn úige tirkelgen bir qabatty dámhanada gaz-aýa qospasy jarylyp, arty órtke ulasqan. Alǵashynda 7 adamnyń qaza tapqany habarlanǵan edi, keiin bul san 11-ge jetken.
Qazirgi málimet boiynsha, qurbandar sany 12 adamǵa jetip otyr.
Oqiǵaǵa qatysty Qylmystyq kodekstiń 292-baby 3-bóligi – “órt qaýipsizdigi talaptaryn buzý, abaisyzda eki nemese odan da kóp adamnyń ólimine ákep soǵý” boiynsha qylmystyq is qozǵalǵan. Bul bap boiynsha 5 jyldan 10 jylǵa deiin bas bostandyǵynan aiyrý jazasy qarastyrylǵan.
Aqmola oblystyq prokýratýrasy sotqa deiingi tergeý jalǵasyp jatqanyn habarlady. Tergeý barysynda jarylysqa deiingi jaǵdailar men jaýapty tulǵalardyń áreketi jan-jaqty tekserilýde. Buǵan deiin dámhanany jalǵa alýshy órt qaýipsizdigi talaptaryna jaýapty tulǵa retinde kúdikti dep tanylǵan.
Qaiǵyly oqiǵadan keiin qoǵamda “qaýipsizdikke kim jaýapty?” degen basty suraq týyndady. Prokýratýra málimetinshe, nysan táýekel deńgeii tómen sanatqa jatqyzylyp, josparly tekserýlerge ilikpegen.
Sonymen qatar, dámhana kópqabatty turǵyn úidiń irgesinde ornalasqany jáne 2023 jyly qaita jabdyqtalyp, paidalanýǵa berilgeni belgili boldy.
