بەينەدەن الىنعان كادر
ششۋچينسكٸدەگٸ دەمحاناداعى جارىلىستان كەيٸنگٸ قايعىلى وقيعا ەلٸ دە جالعاسىپ جاتىر. اۋىر جاراقات العان تاعى بٸر ادام كٶز جۇمىپ, قۇرباندار سانى 12-گە جەتتٸ, دەپ حابارلايدى Ult.kz.
ششۋچينسك قالاسىنداعى دەمحانادا بولعان جارىلىس پەن ٶرتتەن زارداپ شەككەن تاعى بٸر ادامنىڭ قايتىس بولعانى بەلگٸلٸ بولدى. دەنساۋلىق ساقتاۋ مينيسترلٸگٸنٸڭ مەلٸمەتٸنشە, ناۋقاس استاناداعى اۋرۋحانالاردىڭ بٸرٸندە كٶز جۇمعان.
ەر ادام سانيتارلىق اۆياتسييا ارقىلى جەتكٸزٸلٸپ, جانساقتاۋ بٶلٸمٸندە ەم قابىلداپ جاتقان. الايدا اۋىر كٷيٸك پەن تىنىس الۋ جولدارىنىڭ زاقىمدانۋىنا بايلانىستى ەسٸن جيماستان قايتىس بولدى.
ەسكە سالايىق, قايعىلى وقيعا 26 اقپان كٷنٸ كەشكٸ ۋاقىتتا بولعان. ششۋچينسكٸدە بەس قاباتتى تۇرعىن ٷيگە تٸركەلگەن بٸر قاباتتى دەمحانادا گاز-اۋا قوسپاسى جارىلىپ, ارتى ٶرتكە ۇلاسقان. العاشىندا 7 ادامنىڭ قازا تاپقانى حابارلانعان ەدٸ, كەيٸن بۇل سان 11-گە جەتكەن.
قازٸرگٸ مەلٸمەت بويىنشا, قۇرباندار سانى 12 ادامعا جەتٸپ وتىر.
وقيعاعا قاتىستى قىلمىستىق كودەكستٸڭ 292-بابى 3-بٶلٸگٸ – “ٶرت قاۋٸپسٸزدٸگٸ تالاپتارىن بۇزۋ, ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوعۋ” بويىنشا قىلمىستىق ٸس قوزعالعان. بۇل باپ بويىنشا 5 جىلدان 10 جىلعا دەيٸن باس بوستاندىعىنان ايىرۋ جازاسى قاراستىرىلعان.
اقمولا وبلىستىق پروكۋراتۋراسى سوتقا دەيٸنگٸ تەرگەۋ جالعاسىپ جاتقانىن حابارلادى. تەرگەۋ بارىسىندا جارىلىسقا دەيٸنگٸ جاعدايلار مەن جاۋاپتى تۇلعالاردىڭ ەرەكەتٸ جان-جاقتى تەكسەرٸلۋدە. بۇعان دەيٸن دەمحانانى جالعا الۋشى ٶرت قاۋٸپسٸزدٸگٸ تالاپتارىنا جاۋاپتى تۇلعا رەتٸندە كٷدٸكتٸ دەپ تانىلعان.
قايعىلى وقيعادان كەيٸن قوعامدا “قاۋٸپسٸزدٸككە كٸم جاۋاپتى?” دەگەن باستى سۇراق تۋىندادى. پروكۋراتۋرا مەلٸمەتٸنشە, نىسان تەۋەكەل دەڭگەيٸ تٶمەن ساناتقا جاتقىزىلىپ, جوسپارلى تەكسەرۋلەرگە ٸلٸكپەگەن.
سونىمەن قاتار, دەمحانا كٶپقاباتتى تۇرعىن ٷيدٸڭ ٸرگەسٸندە ورنالاسقانى جەنە 2023 جىلى قايتا جابدىقتالىپ, پايدالانۋعا بەرٸلگەنٸ بەلگٸلٸ بولدى.
