video kadry
Shýchinsk ákimi Oljas Nurmaǵambetov ózin "qala turǵyndaryn balaǵattady" dep aiyptaǵan tikelei efirdiń tolyq jazbasyn jariialady, - dep habarlaidy Tengrinews.kz saity.
Ne bolǵan edi?
Aldyńǵy aptada qala basshysy aýdan ákimdiginiń Instagram paraqshasynan tikelei efirge shyqqan. Ol jarty jylda atqarylǵan jumystary týraly baiandaǵan.
Osy sózden keiin BAQ pen áleýmettik jelilerde "Nurmaǵambetov efir bitti dep oilap, "Suraqtaryn k**ine tyǵyp qoisyn" dep aitty" degen aqparat tarady.
Jelide taraǵan úzindide mundai sóz estilmeidi. Degenmen ákimge qatysty qyzmettik tekserý bastalǵan.
Oljas Nurmaǵambetovtiń ózi qala turǵyndary týraly jaman sóz aitpaǵanyn aitty.
Dóreki sózder aitylǵan, biraq barlyq turǵynǵa aitylmaǵan
Birneshe kúnnen keiin ákim dálel retinde Instagram jelisindegi paraqshasynda sensatsiialyq tikelei efirdiń tolyq jazbasyn jariialady.
"Bul videoda turǵyndaryna qarata aitylǵan birde-bir ádepsiz (boǵaýyz) sóz joq. "Paraqshasyn k**tine tyǵyp qoisyn" dep aitqanym úshin keshirim suraimyn", - delingen jazbada.
Videoǵa qaraǵanda, Shýche ákimi shynymen de qala turǵyndary týraly emes, naqty bir adam jáne onyń ótinishine qarata "Quryp ketsinshi ári. Nege biz onyń suraqtaryna jaýap berýimiz kerek? Óz paraqshasyn k**tine tyǵyp qoisyn" dep aitqan. Alaida kimge, ne úshin aitqany ázirshe belgisiz.
