SCAT áýe kompaniiasy Bek Air jolaýshylaryn kelesi jyldyń qańtar aiyna deiin tasymaldaýdy kózdep otyr, dep habarlaidy "Ult aqparat" áýe kompaniiasynyń baspasóz qyzmetine silteme jasap.
«SCAT áýe kompaniiasy Bek Air kompaniiasynyń jolaýshylaryn tasymaldaýǵa kómektesý merzimin 2020 jyldyń 31 qańtaryna deiin uzartty», - delingen habarlamada.
Baspasóz qyzmeti Bek Air jolaýshylaryn tasymaldaý bos oryn bolǵanda ǵana júzege asyrylatynyn aitady.
«Tasymaldy úzege asyrý úshin Bek Air kompaniiasyna habarlasý kerek, sodan soń reisterge bólý bastalady», - dep qosty baspasóz qyzmeti.
Aita keteiik, 27 jeltoqsanda Almaty-Nur-Sultan baǵytymen ushyp bara jatqan Bek Air kompaniiasynyń 2100 reisi kenet apatqa ushyrap, beton qorshaýdy buzyp ótti. Artynan ushaq ekiqabatty ǵimaratpen soqtyǵysyp, 12 adam qaza boldy.
Osy oqiǵaǵa bailanysty QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
