Sairan kóliniń jaǵalaýynda «Taza Qazaqstan» respýblikalyq baǵdarlamasy aiasynda keń kólemdi ekosenbilik uiymdastyryldy, dep habarlaidy Ult.kz.
Igi is-sharaǵa tanymal óner ieleri men ziialy qaýym ókilderi qatysty. Olardyń qatarynda Jubanysh Jeksenuly, Diana Ismail, Ulan Núsipáli, Ulyqbek Esdáýlet jáne t.b. bar. Olar tazalyq jumystaryna atsalysyp, qala turǵyndaryn tabiǵatty aialaýǵa shaqyrdy.
«Sairan kóli – jańaryp, túrlengen demalys aimaǵy. Munda qala turǵyndary men qonaqtary tabiǵat aiasynda tynyǵyp, otbasymen, dostarymen jaqsy ýaqyt ótkize alady», – dedi Almaty ákiminiń orynbasary Azamat Qaldybekov.
Senbilikke 1000-nan astam adam – «Jasyl el» jasaǵynyń músheleri, eriktiler men komiýniti ortalyqtyń rezidentteri qatysty.
Qalanyń barlyq 8 aýdanynda ekosenbilikter bir mezette ótti. Qala boiynsha:
— 11 000-nan astam qatysýshy qatysty
— 275 arnaiy tehnika jumyldyryldy
— 1460 m³ qoqys shyǵaryldy
