Photo : Almaty TJD
Sairan kólinen alynǵan synamalardyń nátijesinde lak-pozitivti ishek taiaqshalarynyń normadan asyp ketkeni anyqtaldy. Bul týraly Sputnik Qazaqstan Almaty qalasy ákiminiń baspasóz qyzmetine silteme jasap málimdedi.
Osyǵan bailanysty Almaty qalasy tótenshe jaǵdailar departamentiniń hatyna sáikes jáne sanitarlyq-epidemiologiialyq baqylaý departamentiniń (SEBD) nusqaýymen sý qoimasynan sýdy tolyq kólemde jiberý týraly sheshim qabyldandy.
"Sýdy tolyq aǵyzyp jiberýge 2-3 kún ketedi. Almatylyqtar men qala qonaqtaryn aldaǵy kúnderi sýǵa túspeýge shaqyramyz", – delingen habarlamada.
Lastaný kózin anyqtaý jáne tiisti sharalardy qabyldaý úshin aýdan ákimdikteriniń (Almaly, Áýezov), politsiia bóliminiń, aýdandyq sanitarlyq-epidemiologiialyq baqylaý bólimderiniń, tótenshe jaǵdailar departamentiniń mamandary men ekologtar arasynan jumys komissiiasy quryldy.
SEBD málimeti boiynsha bul kezeńde rezervýar túbin biologiialyq jáne himiialyq tazalaýdyń qosymsha arnaiy ádisteri qajet emes. Lastaný kózi anyqtalyp, arnaiy komissiia jumysy aiaqtalǵan soń Sairanǵa sý qaita toltyrylady.
