Respýblika kúnine orai, Túrkistan oblysy, Sairam aýdany, Aqsýkent aýylyndaǵy «Qairat» sport kesheninde Qazaqstan halqy Assambleiasynyń «Qazaqtaný» mádeni-aǵartý jobasy aiasynda etnos jastary arasynda qazaq halqynyń ulttyq oiyndarynan saiys ótti.
Atalǵan sporttyq saiys Túrkistan oblysy qoǵamdyq damý basqarmasy «Qoǵamdyq kelisim» KMM-niń qoldaýymen uiymdastyryldy.
Ulttyq sportty ulyqtaǵan dodaǵa Saýran, Sairam, Túlkibas, Tólebi, Kentaý, Jetisai, Maqtaaral, Keles, Saryaǵash aýdandarynyń etnos jastarynan quralǵan komandalar qatysty. Onda jastar ulttyq oiyndardyń 8 túrinen, atap aitqanda, qazaq kúresi, qol kúres, sadaq atý, asyq atý, qoshqar kóterý, arqan tartý, toǵyzqumalaq, láńgi tebýden baq synady.
Aýqymdy sporttyq sharanyń saltanatty ashylýynda Sairam aýdany ákiminiń orynbasary Madiiar Orazaliev jastardy aldaǵy merekemen quttyqtap, qatysýshylarǵa sáttilik tiledi.
«Qazaq halqy ulttyq oiyndarǵa bai halyq. Ata-babalarymyz osy oiyndar arqyly urpaqtyń myqty ári jigerli bolyp ósýine yqpal etip, olardyń bereke-birligi men yntymaǵyn jalǵastyryp otyrǵan. Kúni keshe Túrkiianyń Iznik qalasynda IV Dúniejúzilik kóshpendiler saiysy ótkenin bilesizder. Álemniń 102 memleketinen 3 myńnan astam sportshy qatysqan álemdik dodada Qazaqstan qurama sapynda óner kórsetken jerlesterimiz ulttyq sporttyń týyn jyqpai, aitýly jeńisterge qol jetkizdi. Taiaýda qazaq kúresinen Sairamda «Ońtústik Qazaqstan» oblystyq qoǵamdyq-saiasi gazetiniń júldesine arnalǵan týrnir ótip, túie palýany anyqtaldy. Qazaq barysy, túrkistandyq Toqtarbek Aidarbek bas júldege ie bolyp, temir tulpar tabystaldy. Búgingi saiysqa qatysýshylar da sondai dúbirli dodalarǵa úkilep qosatyn sportshylarymyzdyń jolyn jalǵastyryp, jeńis tuǵyrynan kórine bersin!» - dedi M. Orazaliev.
Saiys nátijesinde qazaq kúresinen Jetisai aýdanynan kelgen Abdýlla Nýrov «Túie balýan» atandy.
Sadaq tartý saiysynda Kentaý qalasynan kelgen Dilnýr Nasirýllaev chempion boldy. Al 2 oryndy Keles aýdanynan Orazbai Abrar, 3 oryndy Maqtaral aýdanynan Alpamys Kamalov ielendi. Qol kúresten túlkibastyq Toirat Kasimov úzdik shyqty. Sairamdyq Ýlýgbek Nishantaev ekinshi, saýrandyq Zikýrolloh Iýnýsov úshinshi orynǵa ie boldy. Asyq atýdan saýrandyq Samandar Abdrahmanov qarsylas shaq keltirmei, jeńimpaz atandy. 2 oryn kentaýlyq Bekzod Iýldashevqa, 3 oryn túlkibastyq Islam Elnýrǵa buiyrdy.
Qoshqar kóterý saiysy jurttyń qiqý salyp, qyzý qoldaý tanytqan jarysy bolǵanyn aita ketken jón. Bul saiysta qoshqardy 50 ret kótergen sairamdyq Mýhamedali Saidazimov jeńimpaz atanyp, qoshqarǵa ie boldy. 2 orynǵa 36 ret kótergen kelestik Aqylbek Iýnýskýlov, 3 orynǵa 31 ret kótergen túlkibastyq Sýleiman Mýrgýshevqa buiyrdy. Arqan tartýdan Túlkibas aýdany top jardy. Al, 2 oryndy Tóle bi aýdanynyń quramasy, 3 oryndy Kentaý qalasynyń komandasy jeńip aldy.
Sondai-aq toǵyzqumalaqtan sairamdyq Sarvinaz Irsitaeva 1 oryndy jeńip alsa, 2 oryndy kentaýlyq Ramazan Badirov, 3 oryndy saýrandyq Tórehan Mahibýlla enshiledi. Láńgi tebýden saýrandyq Iliias Mýradýlla qarsylas shydatpai, úzdik atandy. Al 2 orynǵa maqtaraldyq Alijan Alisýltanov, 3 orynǵa sairamdyq Sýnnat Bekniiazov laiyq dep tanyldy.
Jarystyń qorytyndysynda Túrkistan oblystyq qoǵamdyq damý basqarmasy Qazaqstan halqy Assambleiasy hatshylyǵynyń etnosaralyq qatynastardy damytý bóliminiń basshysy Erlan Kerimbekov jáne «Qoǵamdyq kelisim» KMM-niń basshysy Elmira Janǵazieva jeńimpazdardy marapattap, júldegerlerge qarjylai syilyqtar men diplomdardy tabystady.
Aita keteiik, bul saiys aldaǵy ýaqytta da jalǵasady dep josparlanýda.
