رەسپۋبليكا كٷنٸنە وراي, تٷركٸستان وبلىسى, سايرام اۋدانى, اقسۋكەنت اۋىلىنداعى «قايرات» سپورت كەشەنٸندە قازاقستان حالقى اسسامبلەياسىنىڭ «قازاقتانۋ» مەدەني-اعارتۋ جوباسى اياسىندا ەتنوس جاستارى اراسىندا قازاق حالقىنىڭ ۇلتتىق ويىندارىنان سايىس ٶتتٸ.
اتالعان سپورتتىق سايىس تٷركٸستان وبلىسى قوعامدىق دامۋ باسقارماسى «قوعامدىق كەلٸسٸم» كمم-نٸڭ قولداۋىمەن ۇيىمداستىرىلدى.
ۇلتتىق سپورتتى ۇلىقتاعان دوداعا ساۋران, سايرام, تٷلكٸباس, تٶلەبي, كەنتاۋ, جەتٸساي, ماقتاارال, كەلەس, سارىاعاش اۋداندارىنىڭ ەتنوس جاستارىنان قۇرالعان كوماندالار قاتىستى. وندا جاستار ۇلتتىق ويىنداردىڭ 8 تٷرٸنەن, اتاپ ايتقاندا, قازاق كٷرەسٸ, قول كٷرەس, ساداق اتۋ, اسىق اتۋ, قوشقار كٶتەرۋ, ارقان تارتۋ, توعىزقۇمالاق, لەڭگٸ تەبۋدەن باق سىنادى.
اۋقىمدى سپورتتىق شارانىڭ سالتاناتتى اشىلۋىندا سايرام اۋدانى ەكٸمٸنٸڭ ورىنباسارى مادييار ورازاليەۆ جاستاردى الداعى مەرەكەمەن قۇتتىقتاپ, قاتىسۋشىلارعا سەتتٸلٸك تٸلەدٸ.
«قازاق حالقى ۇلتتىق ويىندارعا باي حالىق. اتا-بابالارىمىز وسى ويىندار ارقىلى ۇرپاقتىڭ مىقتى ەرٸ جٸگەرلٸ بولىپ ٶسۋٸنە ىقپال ەتٸپ, ولاردىڭ بەرەكە-بٸرلٸگٸ مەن ىنتىماعىن جالعاستىرىپ وتىرعان. كٷنٸ كەشە تٷركييانىڭ يزنيك قالاسىندا ٸV دٷنيەجٷزٸلٸك كٶشپەندٸلەر سايىسى ٶتكەنٸن بٸلەسٸزدەر. ەلەمنٸڭ 102 مەملەكەتٸنەن 3 مىڭنان استام سپورتشى قاتىسقان ەلەمدٸك دودادا قازاقستان قۇراما ساپىندا ٶنەر كٶرسەتكەن جەرلەستەرٸمٸز ۇلتتىق سپورتتىڭ تۋىن جىقپاي, ايتۋلى جەڭٸستەرگە قول جەتكٸزدٸ. تاياۋدا قازاق كٷرەسٸنەن سايرامدا «وڭتٷستٸك قازاقستان» وبلىستىق قوعامدىق-ساياسي گازەتٸنٸڭ جٷلدەسٸنە ارنالعان تۋرنير ٶتٸپ, تٷيە پالۋانى انىقتالدى. قازاق بارىسى, تٷركٸستاندىق توقتاربەك ايداربەك باس جٷلدەگە يە بولىپ, تەمٸر تۇلپار تابىستالدى. بٷگٸنگٸ سايىسقا قاتىسۋشىلار دا سونداي دٷبٸرلٸ دودالارعا ٷكٸلەپ قوساتىن سپورتشىلارىمىزدىڭ جولىن جالعاستىرىپ, جەڭٸس تۇعىرىنان كٶرٸنە بەرسٸن!» - دەدٸ م. ورازاليەۆ.
سايىس نەتيجەسٸندە قازاق كٷرەسٸنەن جەتٸساي اۋدانىنان كەلگەن ابدۋللا نۋروۆ «تٷيە بالۋان» اتاندى.
ساداق تارتۋ سايىسىندا كەنتاۋ قالاسىنان كەلگەن ديلنۋر ناسيرۋللاەۆ چەمپيون بولدى. ال 2 ورىندى كەلەس اۋدانىنان ورازباي ابرار, 3 ورىندى ماقتارال اۋدانىنان الپامىس كامالوۆ يەلەندٸ. قول كٷرەستەن تٷلكٸباستىق تويرات كاسيموۆ ٷزدٸك شىقتى. سايرامدىق ۋلۋگبەك نيشانتاەۆ ەكٸنشٸ, ساۋراندىق زيكۋروللوح يۋنۋسوۆ ٷشٸنشٸ ورىنعا يە بولدى. اسىق اتۋدان ساۋراندىق ساماندار ابدراحمانوۆ قارسىلاس شاق كەلتٸرمەي, جەڭٸمپاز اتاندى. 2 ورىن كەنتاۋلىق بەكزود يۋلداشەۆقا, 3 ورىن تٷلكٸباستىق يسلام ەلنۋرعا بۇيىردى.
قوشقار كٶتەرۋ سايىسى جۇرتتىڭ قيقۋ سالىپ, قىزۋ قولداۋ تانىتقان جارىسى بولعانىن ايتا كەتكەن جٶن. بۇل سايىستا قوشقاردى 50 رەت كٶتەرگەن سايرامدىق مۋحامەدالي سايدازيموۆ جەڭٸمپاز اتانىپ, قوشقارعا يە بولدى. 2 ورىنعا 36 رەت كٶتەرگەن كەلەستٸك اقىلبەك يۋنۋسكۋلوۆ, 3 ورىنعا 31 رەت كٶتەرگەن تٷلكٸباستىق سۋلەيمان مۋرگۋشەۆقا بۇيىردى. ارقان تارتۋدان تٷلكٸباس اۋدانى توپ جاردى. ال, 2 ورىندى تٶلە بي اۋدانىنىڭ قۇراماسى, 3 ورىندى كەنتاۋ قالاسىنىڭ كومانداسى جەڭٸپ الدى.
سونداي-اق توعىزقۇمالاقتان سايرامدىق سارۆيناز يرسيتاەۆا 1 ورىندى جەڭٸپ السا, 2 ورىندى كەنتاۋلىق رامازان باديروۆ, 3 ورىندى ساۋراندىق تٶرەحان ماحيبۋللا ەنشٸلەدٸ. لەڭگٸ تەبۋدەن ساۋراندىق يليياس مۋرادۋللا قارسىلاس شىداتپاي, ٷزدٸك اتاندى. ال 2 ورىنعا ماقتارالدىق اليجان اليسۋلتانوۆ, 3 ورىنعا سايرامدىق سۋننات بەكنييازوۆ لايىق دەپ تانىلدى.
جارىستىڭ قورىتىندىسىندا تٷركٸستان وبلىستىق قوعامدىق دامۋ باسقارماسى قازاقستان حالقى اسسامبلەياسى حاتشىلىعىنىڭ ەتنوسارالىق قاتىناستاردى دامىتۋ بٶلٸمٸنٸڭ باسشىسى ەرلان كەرٸمبەكوۆ جەنە «قوعامدىق كەلٸسٸم» كمم-نٸڭ باسشىسى ەلميرا جانعازيەۆا جەڭٸمپازداردى ماراپاتتاپ, جٷلدەگەرلەرگە قارجىلاي سىيلىقتار مەن ديپلومداردى تابىستادى.
ايتا كەتەيٸك, بۇل سايىس الداعى ۋاقىتتا دا جالعاسادى دەپ جوسپارلانۋدا.
