Sairagúl Saýytbai Abzal Quspannyń advokattyǵynan bas tartty, dep habarlaidy "Ult aqparat". Bul týraly áleýmettik jeli arqyly málimdedi.
"Men Abzal Quspannyń advokattyǵynan bas tartamyn. Senim hattyń kúshi joiyldy dep sanańyzdar. Meniń atymnan eshqandai áreketter jasamaýyn suraimyn. Men óz yńǵaiyma keletin áiel advokat meniń quqyǵymdy qorǵaǵanyn qalaimyn. Meniń atymnan júretin advokat tek Aiman Omarova dep sanaýlaryńyzdy suraimyn. Men tek soǵan ǵana senemin. Osy video arqyly men barlyq qoǵamdyq uiymdarǵa, elshilikterge, sot pen UQK aitarym osy. Meni májbúrlep basqa advokat usynýlaryńyzdyń qajeti joq. Men tek Aiman Omarovanyń qorǵaýynda ǵana bolǵandy qalaimyn", deidi Sairagúl Saýytbai.
Aita ketsek, Abzal Quspan osydan biraz ýaqyt buryn óziniń feisbýk paraqshasynda "Sairagúl ózi menen bas tartpasa, men ony qorǵaýdan bas tartpaimyn" dep jazǵan bolatyn
