Ortalyq sailaý komissiiasy tóraǵasynyń orynbasary Konstantin Petrov eki jerde tirkelgen azamattardyń qalai daýys beretinin túsindirdi, dep habarlaidy Sputnik Qazaqstan tilshisi.
"Ishki ister ministrligi bergen málimetke sáikes, osy jyldyń 15 sáýirine deiin 324 myń 751 qazaqstandyq eki jerde tirkelgen: turaqty jáne ýaqytsha. Qazaqstannyń sailaý týraly zańy boiynsha azamattyń aty bir ǵana sailaý ýchaskesiniń tiziminde bolýy qajet", - deidi Konstantin Petrov.
Sondyqtan turaqty jáne ýaqytsha tirkelgen azamat sailaý bastalarǵa bir ai qalǵan kezde ózin sailaýshylar tizimine engizýin talap etip, ózi daýys bergisi keletin jerdiń ákimdigine ótinish jazýy qajet.
"Eger daýys berýshi sailaýǵa 30 kún qalǵanǵa deiin nemese 10 mamyrǵa deiin tirkelgen jerine daýys berýge kele almaityny belgili bolsa, ol jergilikti atqarýshy organǵa sailaýshylar tizimine engizý týraly jazbasha ótinish berýi kerek. Jergilikti atqarýshy organ bul azamatty tirkelgen jerindegi sailaýshylar tiziminen alyp tastap, ony ózi daýys beretin ýchaskege tirkeidi", - dep túiindedi sózin ortalyq sailaý komissiiasy tóraǵasynyń orynbasary.
Aita keteiik, 2019 jyldyń 9 maýsymynda Qazaqstanda kezekten tys prezident sailaýy ótedi.
