Alǵash ret kezekten tys prezidenttik sailaýǵa sailaý komissiialarynyń múshelerin daiyndaýǵa ákimdikter de atsalysatyn bolady. Bul týraly búgin QR Ortalyq sailaý komissiiasynyń hatshysy Sábila Mustafina aitty, dep habarlaidy QazAqparat tilshisi.
«Sailaý komissiialarynyń múshelerin daiyndaý isine alǵash ret ákimdikter de jergilikti biýdjet qarajaty esebinen qatysatyn bolady. Ol úshin Biýdjet kodeksine, «Memlekettik basqarý jáne ózin ózi basqarý týraly» Zańǵa túzetýler engizilgen edi. Bul osy jolǵy sailaý naýqanynyń jańalyǵy», - dedi ol BAQ ókilderine bergen suhbatynda.
Onyń aitýynsha, Ortalyq sailaý komissiiasy oblystyq, Nur-Sultan, Almaty, Shymkent qalalary sailaý komissiialarynyń múshelerin beinekonferentsbailanys rejiminde turaqty negizde ótkiziletin onlain-keńester aiasynda sailaý naýqanynyń naqty kezeńderi boiynsha oqytý tájiribesin jalǵastyratynyn aitty.
«Sáýir aiynyń sońyna deiin barlyq aýmaqtyq sailaý komissiialarynyń múshelerin, al mamyrdyń sońyna deiin sailaý komissiiasy ýchaskeleriniń barlyq múshelerin oqytýdy aiaqtaýdy maqsat etip otyrmyz. Qarjy ministrligi 2019 jyly OSK deńgeiinde elektoraldy oqytýǵa 10 mln teńgeni qoldady», - dedi S.Mustafina.
