Ortalyq sailaý komissiiasynyń múshesi Erlan Daýylbaev sailaý kúni daýys berý biýlleteni qalai toltyrylýy kerektigin túsindirdi, dep habarlaidy QazAqparat.
Aita ketsek, Aqparat jáne qoǵamdyq damý ministrligi Ortalyq sailaý komissiiasymen birge «ÚEU akademiiasy» bilim berý jobasy sheńberinde sailaýdy baiqaý negizderin túsindirýge arnalǵan seminar ótkizip jatyr. Otyrysqa onlain rejimde 500-den astam adam qatysýǵa niet bildirgen. Jiynda sailaýdy baiqaý negizderi túsindirilip jatyr.
«Sailaýshy ózi daýys beretin partiianyń bos sharshysyna belgi qoiady. Biýlletenge qaryndashpen daýys berýge bolmaidy. Sonymen qatar ol biýlleten qandai da bir túzetý engizý maqsatynda shimailanbaýy, búldirilmeýi kerek. Toltyrylǵan sailaý biýlletenin sailaýshy daýys beretin jáshikke salyp, sailaý ýchaskesinen shyǵyp ketedi», - dedi Erlan Daýylbaev.
Onyń aitýynsha, sailaý komissiiasynyń músheleri daýys berý nysanyna kiretin jáne shyǵatyn esikti, daýys berý biýlletenderi salynatyn jáshikti baqylap otyrady. Mundaǵy maqsat – kabinalarda biýlletenderdiń nemese basqa da zattardyń qalyp ketýine jol bermeý.
«QR OSK qaýlysyna sáikes, sailaý kúni oblystyń aýdandarynda turatyn sailaýshyǵa úsh biýlleten beriledi. Olar: Parlament Májilisiniń sailaýy boiynsha bir biýlleten, oblystyq máslihattyń sailaýy boiynsha bir biýlleten, qalalyq nemese aýdandyq máslihattyń sailaýy boiynsha bir biýlleten. Respýblikalyq mańyzy bar qalalardaǵy sailaýshyǵa eki biýlleten beriledi. Olar: Parlament Májilisiniń sailaýy boiynsha bir biýlleten jáne Nur-Sultan, Almaty jáne Shymkent qalalyq máslihattyń sailaýy boiynsha bir biýlleten», - dedi ol.
