Qala ákiminiń birinshi orynbasary Erlan Qojaǵapanov saiajaiǵa barǵanda qandai erejelerdi saqtaý kerektigin aitty, dep habarlaidy QazAqparat.
«Turǵyndar saiajailaryna óz kólikterimen bara alady. Sonymen qatar, Almatynyń avtobýs parkteri de jumyldyryldy. Olar adamdardy blokposttarǵa deiin jetkizip salady, odan ary qarai ózderi Almaty oblysynyń qoǵamdyq kóligimen nemese taksimen jetedi», - dedi qala ákimniń birinshi orynbasary.
Sonymen qatar, ol blokposttan ótý úshin jeke kýálik pen úidiń qujatty bolý kerektigin atap ótti.
«Iaǵni, saiajaiǵa jinalǵan kez kelgen adam blokposttarda jeke basyn kýálandyratyn qujattardy kórsetip, politsiia qyzmetkerene saiajaiǵa bara jatqanyn túsindirip aitsa bolǵany.Ony tártip saqshylary jiberedi. Biz jeke kólikterdi bazaǵa birtindep engizemiz. Ázirshe, «Sergek» arqyly qadaǵalaimyz. Aldaǵy ýaqytta bul jumystyń barlyǵyn júielep, tsifrlandyramyz. Qazirgi ýaqytta turǵyndarǵa jeńil bolý úshin osy rejimen júremiz», – dep túsindirdi Erlan Qojaǵapanov.
Onyń aitýynsha, saiajailar Qaskeleń men Talǵar tas jolynyń baǵytynda ornalasqan.
«Búgingi kúni bizde 27 myń saiajai ýchaskeleri karantindik aimaqtan tys jerde ornalasqan. Sondyqtan saiajaidan qaitqan 27 myń adamdy karantinge otyrǵyzý ońai emes. Men turǵyndardan karantin aiaqtalǵansha múmkindiginshe sol saiajaida qalýlaryn suraimyn», - dedi ol
Sondai– aq, spiker búgingi tańda jedel shtab kóshetter satatyn barlyq dúkenderdi ashý týraly sheshim qabyldaǵanyn tilge tiek etti.
«Baqsha jumystaryna arnalǵan kúrek, tyrma siiaqty quraldar satatyn dúkender ashylady», - dep qosty ol.
Erlan Qojaǵapanov qalalyqtardy saiajaida ot jaǵyp, káýap pisirmeýge shaqyrdy.
Aita keteiik, qala turǵyndary saiajaiǵa barý úshin arnaiy bekitilgen erejeni saqtaýy tiis
