Elimizde iske asyp jatqan memlekettik jáne saiasi reformalardyń mańyzy men mindeti qandai? Ony júzege asyrýda kimniń pikiri eskerilýi kerek? Osy jáne ózge de saiasi reformalarǵa qatysty suraqtarǵa QR Prezidentiniń keńesshisi Erlan Qarin jaýap berdi, dep habarlaidy QazAqparat.
«Búgin Memleket basshysynyń jańa Joldaýyn talqylaý úshin jinalyp otyrmyz. Múmkin sizderde Joldaýǵa qatysty qandai da bir suraqtar bar shyǵar. Maqsat – Prezident júrgizip jatqan memlekettik reformalardyń mańyzdylyǵy men iske asý barysyn taldaý. Reforma birjaqty, biliktiń ózdiginen qabyldaýymen júzege assa, onda qoǵam onyń keibir sátterin túsinbeitini ras. Sondyqtan memlekettik reforma bilik pen qoǵam birlesip qabyldaǵany jón. Sondai-aq, kez-kelgen reformanyń mańyzy men oryndalýy qoǵamdyq talqydan ótýimen tyǵyz balanysty», - dedi Erlan Qarin.
Onyń aitýynsha, qoǵam talqylaýynan ótpegen reforma birjaqtylyqty kórsetedi.
«Reformanyń máni qoǵamnyń úninen turady. Iaǵni saiasi reforma qoǵamdy tolǵandyrǵan máseleni sheshýimen mańyzdy. Osy oraida saiasi reformany qoǵam bolyp talqylaǵan jón. Búgingi jiyn sonyń kórinisi. Memleket basshysy óziniń 2019 jylǵy Joldaýynda ekonomikalyq reforma saiasi jáne qoǵam kózqarasynsyz máni bolmaidy degen. Rasyndai solai. Sebebi bul qazirgi qoǵamnyń talaby», - deidi ol.
Aita ketsek, búgin elordada Prezident keńesshisi elimizdiń belsendi jastarymen Memleket basshysynyń Joldaýy men elde asyp jatqan saiasi jáne qoǵamdyq reformalardy ortaǵa salyp jatyr.
