Saiasattanýshy Erlan Qarin Qazaqstan Aýǵanstan bosqyndaryn qabyldaidy delingen aqparatqa qatysty pikir bildirdi, dep habarlaidy "Ult aqparat".
«Qazaqstannyń Syrtqy ister ministrligi bul jaitqa qatysty túsindirme jasady. Atap aitar bolsaq, bul aqparat shyndyqqa janaspaidy. Ahýaldy jiti baqylap otyrǵandar qazirgi jaǵdaida, barlyq shekaralyq ótkelder jabyq turǵan kezde aýǵan azamattarynyń jappai elden ketýi, tipti bosqyndar jaiynda sóz bolýy múmkin emes ekendigin túsinýi qajet. Tipti keibir memleketter diplomattaryn evakýatsiialap úlgermei jatqandyǵyn da kórip otyrmyz. Sondyqtan bul másele kún tártibinde bola almaidy», - dedi saiasattanýshy.
