Sáýirde meditsina uiymdary jabdyqtaryn túgendeý jumysy aiaqtalady. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Memleket basshysynyń tapsyrmasyna sáikes, óńirlerdegi barlyq densaýlyq saqtaý uiymdaryndaǵy, onyń ishinde reanimatsiialyq bólimshelerdegi jabdyqtarǵa túgendeý júrgizilip jatyr. Osy jyldyń sáýirinde bul jumys aiaqtalyp, onyń qorytyndysynda qosymsha jabdyqtaý júzege asyrylady. Degenmen, pandemiia bastalǵannan beri infektsiialyq statsionarlardy negizgi reanimatsiialyq jabdyqtarmen jabdyqtaý 100 paiyzǵa jetkizildi. Buǵan qosa, búginde reanimatsiialyq tósek-oryndardyń 22 paiyzy ǵana bos emes», - dedi ministr.
Onyń atap ótýinshe, materialdyq-tehnikalyq bazany nyǵaitý realistik boljamǵa sai epidemiologiialyq ahýal ýshyqqan kezde meditsina uiymdarynyń bir-birinen jabdyqtardy ýaqytsha alý qajettigin týyndatpaidy.
«Meditsina uiymdaryn odan ary jabdyqtaý úshin 2021-2022 jyldarǵa arnalǵan respýblikalyq biýdjette 85 mlrd teńge bólý kózdelgen. Reanimatsiialyq bólimshelerdi qosymsha jabdyqtaý jumystary óńirlerde turaqty túrde júrgiziledi», - dedi Aleksei Tsoi.
