سەۋٸردە مەديتسينا ۇيىمدارى جابدىقتارىن تٷگەندەۋ جۇمىسى اياقتالادى. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىنا سەيكەس, ٶڭٸرلەردەگٸ بارلىق دەنساۋلىق ساقتاۋ ۇيىمدارىنداعى, ونىڭ ٸشٸندە رەانيماتسييالىق بٶلٸمشەلەردەگٸ جابدىقتارعا تٷگەندەۋ جٷرگٸزٸلٸپ جاتىر. وسى جىلدىڭ سەۋٸرٸندە بۇل جۇمىس اياقتالىپ, ونىڭ قورىتىندىسىندا قوسىمشا جابدىقتاۋ جٷزەگە اسىرىلادى. دەگەنمەن, پاندەمييا باستالعاننان بەرٸ ينفەكتسييالىق ستاتسيونارلاردى نەگٸزگٸ رەانيماتسييالىق جابدىقتارمەن جابدىقتاۋ 100 پايىزعا جەتكٸزٸلدٸ. بۇعان قوسا, بٷگٸندە رەانيماتسييالىق تٶسەك-ورىنداردىڭ 22 پايىزى عانا بوس ەمەس», - دەدٸ مينيستر.
ونىڭ اتاپ ٶتۋٸنشە, ماتەريالدىق-تەحنيكالىق بازانى نىعايتۋ رەاليستٸك بولجامعا ساي ەپيدەميولوگييالىق احۋال ۋشىققان كەزدە مەديتسينا ۇيىمدارىنىڭ بٸر-بٸرٸنەن جابدىقتاردى ۋاقىتشا الۋ قاجەتتٸگٸن تۋىنداتپايدى.
«مەديتسينا ۇيىمدارىن ودان ارى جابدىقتاۋ ٷشٸن 2021-2022 جىلدارعا ارنالعان رەسپۋبليكالىق بيۋدجەتتە 85 ملرد تەڭگە بٶلۋ كٶزدەلگەن. رەانيماتسييالىق بٶلٸمشەلەردٸ قوسىمشا جابدىقتاۋ جۇمىستارى ٶڭٸرلەردە تۇراقتى تٷردە جٷرگٸزٸلەدٸ», - دەدٸ الەكسەي تسوي.
