Sáýirde 81,5 myń almatylyqty koronavirýsqa qarsy vaktsinatsiialaý josparlanyp otyr. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
Qoǵamdyq densaýlyq saqtaý basqarmasynyń málimetinshe, «Spýtnik V» vaktsinasynyń alǵashqy transhy qalaǵa aqpan aiynda jetkizildi.
«Spýtnik V» vaktsinasynyń birinshisi 1750 dozasy aqpanda alynyp, eki komponent te 100 paiyzǵa igerildi. Ekinshisi naýryzda 10 800 doza kóleminde boldy. Birinshi komponent 100 paiyzǵa igerildi, revaktsinatsiia bastaldy. Úshinshi 3200 doza naýryzda keldi. Birinshi komponent 100 paiyzǵa igerildi, revaktsinatsiia úshin ekinshi komponentti kútip otyrmyz. Sáýirde 81 500 doza jetkizilýi tiis. Iaǵni sáýirde 81 500 almatylyq «Spýtnik V» vaktsinasyn saldyrady» dep habarlady basqarmadan.
Sonymen qatar, basqarmadaǵylar mamyr aiynda vaktsinanyń 65 200 dozasyn jetkizý josparda ekenin atap ótti. Biraq bul aldyn ala derekter, óitkeni densaýlyq saqtaý ministrligi Almatyǵa jetkiziletin vaktsinany kóbeitý máselesin qarastyryp jatyr.
Buǵan deiin, Almaty qalalyq qoǵamdyq densaýlyq saqtaý basqarmasynyń ókili, telemeditsina ortalyǵynyń direktory Laýra Myrzaǵali saýda úileri men bazarlardaǵy halyqty vaktsinatsiialaý máselesi pysyqtalyp jatqanyn aitqan bolatyn.
