سەۋٸردە 81,5 مىڭ الماتىلىقتى كوروناۆيرۋسقا قارسى ۆاكتسيناتسييالاۋ جوسپارلانىپ وتىر. بۇل تۋرالى قالالىق قوعامدىق دەنساۋلىق ساقتاۋ باسقارماسى مەلٸم ەتتٸ, دەپ حابارلايدى "ۇلت اقپارات".
قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, «سپۋتنيك V» ۆاكتسيناسىنىڭ العاشقى ترانشى قالاعا اقپان ايىندا جەتكٸزٸلدٸ.
«سپۋتنيك V» ۆاكتسيناسىنىڭ بٸرٸنشٸسٸ 1750 دوزاسى اقپاندا الىنىپ, ەكٸ كومپونەنت تە 100 پايىزعا يگەرٸلدٸ. ەكٸنشٸسٸ ناۋرىزدا 10 800 دوزا كٶلەمٸندە بولدى. بٸرٸنشٸ كومپونەنت 100 پايىزعا يگەرٸلدٸ, رەۆاكتسيناتسييا باستالدى. ٷشٸنشٸ 3200 دوزا ناۋرىزدا كەلدٸ. بٸرٸنشٸ كومپونەنت 100 پايىزعا يگەرٸلدٸ, رەۆاكتسيناتسييا ٷشٸن ەكٸنشٸ كومپونەنتتٸ كٷتٸپ وتىرمىز. سەۋٸردە 81 500 دوزا جەتكٸزٸلۋٸ تيٸس. ياعني سەۋٸردە 81 500 الماتىلىق «سپۋتنيك V» ۆاكتسيناسىن سالدىرادى» دەپ حابارلادى باسقارمادان.
سونىمەن قاتار, باسقارماداعىلار مامىر ايىندا ۆاكتسينانىڭ 65 200 دوزاسىن جەتكٸزۋ جوسپاردا ەكەنٸن اتاپ ٶتتٸ. بٸراق بۇل الدىن الا دەرەكتەر, ٶيتكەنٸ دەنساۋلىق ساقتاۋ مينيسترلٸگٸ الماتىعا جەتكٸزٸلەتٸن ۆاكتسينانى كٶبەيتۋ مەسەلەسٸن قاراستىرىپ جاتىر.
بۇعان دەيٸن, الماتى قالالىق قوعامدىق دەنساۋلىق ساقتاۋ باسقارماسىنىڭ ٶكٸلٸ, تەلەمەديتسينا ورتالىعىنىڭ ديرەكتورى لاۋرا مىرزاعالي ساۋدا ٷيلەرٸ مەن بازارلارداعى حالىقتى ۆاكتسيناتسييالاۋ مەسەلەسٸ پىسىقتالىپ جاتقانىن ايتقان بولاتىن.
