Biylǵy 15 sáýirge deiin 396,6 myń otbasy kópbalaly otbasylarǵa beriletin memlekettik járdemaqy alady. Bul maqsattarǵa respýblikalyq biýdjetten 19 mlrd teńge kózdelgen, dep habarlaidy "Ult aqparat".
«4 jáne odan kóp birge turatyn kámeletke tolmaǵan nemese kúndizgi bólimde oqityn 23 jasqa deiingi stýdent balalary bar kópbalaly otbasylar tabysyna qaramastan memlekettik járdemaqyǵa úmitker bola alady. Tólem mólsheri balalardyń sanyna bailanysty 42,5 myń teńgeden (4 bala) 74,4 myń teńgege (7 jáne odan astam) deiin saralanǵan. Atalǵan memlekettik járdemaqyny engizý ataýly áleýmettik kómek kórsetýdiń jańa tetikterimen qarastyrylǵan tabysy az jáne kópbalaly otbasylardy qoldaýdyń negizgi úsh baǵytynyń biri bolyp sanalady», - delingen Eńbek jáne halyqty áleýmettik qorǵaý ministrliginiń habarlamasynda.
Sonymen qatar, áleýmettik tólemder men zeinetaqylardyń barlyq túrleri belgilengen kestege sáikes tolyq kólemde iske asyrylatyn bolady
