Saýda Jelileri Odaǵy Qazaqstan Respýblikasynyń Ekologiia, geologiia jáne tabiǵi resýrstar ministrliginiń polietilendi paketterdi birtindep qysqartý týraly bastamasyn qoldady, dep habarlaidy "Ult aqparat".
Birinshi kezekte, Saýda Jelileri Odaǵyna kiretin kompaniialardyń barlyq dúkenderi polietilendi paketterdi tegin taratýdan bas tartyp, tek aqyly túrde satatyn bolady.
Baǵa saiasaty jáne bastamany júzege asyrý merzimin ár kompaniia ózdiginshe sheshedi.
Saýda Jelileri Odaǵy óz satyp alýshylaryna plastik paketterge balama túrlerin usynýǵa daiyn.
Saýda Jelileri Odaǵynyń keibir kompaniia-músheleri, mysalǵa alsaq, «Technodom Operator» jáne «VkýsMart» qazirgi kezde plastik paketterdi tek aqyly túrde satady. «KeńMart» jáne Magnum kompaniialary óz satyp alýshylaryna balama túrde bioydyraityn paketterdi usynýda, jýyq arada osyndai paketter «VkýsMart» kompaniia dúkenderiniń sórelerinde qoljetimdi bolady. METRO kompaniiasy ashylǵan sátten bastap óz kassalarynda tek qana bioydyraityn paketterdi satýda.
«KeńMart», «METPO Kesh end Kerri» qazirgi tańda saýdaǵa arnalǵan kóp rettik sómkelerdi usynýda, jaqyn arada «VkýsMart» jáne «Magnum Sash&Sarry» (sonymen qosa Magnum qaǵaz kraftik paketterdi satylymǵa usynbaq) jelilerinde satylymǵa shyǵarylady.
Budan basqa, Magnum kompaniiasy polietilendi paketterdiń satylymynan túsken barlyq qarajatty qaiyrymdylyq qoryna jumsaityn bolady. Al, «METRO Kesh end Kerri» kompaniiasy 5 jyldan beri polietilendi paketterdi satýdan túsken qarajatty qaiyrymdylyqqa jumsap otyr.
Eske salamyz, 2019 jyldyń 20 qyrkúieginde Ekologiia, geologiia jáne tabiǵi resýrstar ministrligi, «Atameken» Qazaqstan Respýblikasynyń Ulttyq kásipkerler palatasy jáne «Qazaqstannyń Ekologiialyq Uiymdar Qaýymdastyǵy» polietilendi paketterdi qoldanystan birtindep shyǵarý týrady memorandýmǵa qol qoidy. Memorandým boiynsha, polietilendi paketterdi qoldanystan shyǵarý maqsatynda tegin taratýdan bas tartý kózdelýde.
Ekologiia, geologiia jáne tabiǵi resýrstar ministri Maǵzum Myrzaǵalievtiń habarlaýynsha, Qazaqstanda jyl saiyn 5 million tonnadan astam paida bolatyn qatty turmystyq qaldyqtardyń kem degende 11-15% plastmassa, onyń ishinde polietilendi paketter quraidy. Olardy tegin taratýdan bas tartý plastik paketterdi qoldanýdy kem degende 30% azaitady.
«Saýda Jelileri Odaǵy» zańdy tulǵalar birlestigine «Mon Amie», «VkýsMart», «Technodom Operator», «Magnum Sash&Sarry», «KeńMart», «METPO Kesh end Kerri» jáne basqa kompaniialary kiredi. Saýda Jelileri Odaǵynyń basty maqsaty adal básekelestikke jaǵdai jasaý, Qazaqstan Respýblikasynyń saýda naryǵynyń infraqurylymyn damytý, bólshek saýda salasynda ozyq tehnologiialar men qyzmet standarttaryn engizýge yqpal etý bolyp tabylady.
