Foto: ©RIA Novosti
Tanymal Wildberries saýda alańy Qazaqstandaǵy servisten shyqqan aqaýdy joiýmen ainalysyp jatyr, - dep habarlaidy Tengrinews.kz tilshisi Saýda jáne integratsiia ministrliginiń baspasóz qyzmetine silteme jasap.
14 naýryzda Wildberries Internet-dúkeniniń jumysynda tehnikalyq aqaýlar baiqalǵan.
"Kompaniia sol kúni negizgi fýnktsionalyn qalpyna keltirdi, kompaniianyń AT-mamandary aqaýlardy joiý boiynsha jumysty jalǵastyryp jatyr: 17 naýryzǵa qarai olardyń sany 40 ese azaidy", - delingen habarlamada.
Wildberries keibir bólimder isten shyǵýy múmkin ekenin eskertti. Onyń ishinde aǵymdaǵy tapsyrystar kórsetilmeidi.
"Barlyq tapsyrys mindetti túrde satyp alýshylarǵa jetkiziledi. Eger tapsyrysty alýǵa arnalǵan kod satyp alýshynyń qosymshasynda nemese saitta kórsetilmese, onda taýardy berý pýnktinde jeke basyn kýálandyratyn qujatty kórsete otyryp alýǵa bolady", - delingen habarlamada.
Kompaniia derbes jáne qarjylyq aqparat, onyń ishinde bank kartalarynyń derekteri zardap shekpegenin jáne qaýipsiz qoimada ekenin habarlady.
Berý pýnktteri nemese kýrerlik qyzmet arqyly tiisti sapadaǵy taýarlardy qaitarý merzimi uzartyldy. Budan basqa, tapsyrystardy berý pýnktterinde taýarlardy saqtaý merzimi avtomatty túrde ulǵaityldy.
Aqaýlardy túzetý kúiin jedel baqylaý jáne Wildberries-ten keri bailanys alý úshin satyp alýshylarǵa arnalǵan telegram-arnasy quryldy.
