Saýd Arabiiasy biligi korol otbasynyń músheleriniń biri Túrki ben Saýd Ál Kebirdi ólim jazasyna kesti. Oǵan dosyn óltirdi degen aiyp taǵylǵan.
Eldiń syrtqy ister ministrligi de hanzadaǵa qatysty osyndai úkim shyǵarylǵanyn rastaǵan. Úkimdi Saýd Arabiiasynyń joǵarǵy soty shyǵardy. Al jazany oryndaý týraly buiryqqa koroldiń ózi qol qoiǵan.
Tergeý málimetine súiensek, korol otbasynyń múshesi úsh jyl buryn Er-Riiadtaǵy lagerlerdiń birinde atys uiymdastyryp, dosy Ádil al-Mhemedti atyp, taǵy bir adamdy jaralaǵan. Onyń bul áreketi qoǵamnyń narazylyǵyn týdyrǵan edi.
Hanzadanyń ólim jazasyna kesilýi arab elderindegi monarhiia tarihynda alǵash ret bolyp otyr.
