Saýd Arabiiasy Katarǵa ýltimatým qoidy. Katar aitylǵan sharttardy 24 saǵatta oryndamasa ne bolatyny ázirshe belgisiz, - dep jazady Vesti.Ekonomika basylymy.
Basylymnyń málimetinshe, diplomatiialyq daǵdarystan keiin Katar saiasi turǵydan oqshaýlanyp qana qoimai, munai eksporttaý múmkindiginen aiyryldy.
SkyNews Arabia Saýd Arabiiasynyń Katarǵa 10 shart qoiǵanyn habarlaidy.
Sondai-aq, BAQ-tarda Saýd Arabiiasynyń basty qoiǵan talaby - Katardyń Hamas uiymymen jáne "Aǵaiyndy musylmandar" uiymymen qarym-qatynasyn toqtatýy ekeni aitylady.
Ýltimatým oryndalmaǵan jaǵdaida ne bolatyny ázirshe belgisiz.
Al Al Jazeera basylymy Kýveit ámiri Sheih Sabah ál-Ahmad ál-Djaber Ál-Sabahtyń Saýd Arabiiasynyń koroli Salman bin Abdýl Azizben júrgizgen kelissózderden keiin arab elderi men Katar arasyndaǵy jaǵdaidy beitaraptandyrý úshin Saýd Arabiiasynan ketip qalǵanyn aitady.
Kýveit ámiri Katar basshysy sheih Tamim ben Hamad Ál-Taniden jaǵdaidy ýshyqtyrýdan aýlaq bolýdy surady. Sonymen qatar, Kýveit ámiri jaǵdaidy ýshyqtyratyn sheshim qabyldamaýǵa shaqyrdy.
Osyǵan deiin QR SIM basshysy Qazaqstannyń Katarǵa qatysty ustanymyn aitqan edi.
Eske salaiyq, dúisenbide Saýd Arabiiasy, BAÁ, Bahrein jáne Mysyr elderi Katarmen diplomatiialyq qarym-qatynasyn úzgenin málimdegen bolatyn. Olar Dohany BAQ-ty arandatýshylyq maqsatta qoldanyp, lańkestik is-áreketti qoldaýyn toqtatpady dep aiyptady. Al keiin Liviianyń shyǵys bóligindegi bilik, Maldiv araldary jáne Mavrikii de Katarmen bailanysyn úzgenin jariialaǵan edi.
Katar men arab elderi arasynda janjal Er-Riiadta ótken Parsy shyǵanaǵy elderi men AQSh sammiti kezinde katarlyq agenttik ámir atynan Iranmen bailanysty jaqsartý týraly málimdeme jariialaǵanda týyndady. Al sammit kezinde Katar jinalǵan barlyq eldiń atynan Irandy jaýgershiligi úshin aiyptap, qarsy jaýap bolatyndyǵyn málimdegen edi. Keiin Katardyń syrtqy ister ministriniń resmi ókili agenttik saity buzylǵanyn jáne ámir atynan aitylǵan sózdi hakerler ornalastyrǵanyn habarlaǵan edi.
