Kollaj: halyqline.kz
Almaty qalasyndaǵy Innovatsiialyq tehnikalyq kolledjinde «Tabysty bolashaq úshin áriptestik: ózekti máselelerdi talqylaý» atty dóńgelek ústel ótti, dep habarlaidy Ult.kz.
Bilim berý men biznes ókilderiniń basy qosylǵan qosqan mańyzdy is-sharaǵa stýdentter men áleýmettik áriptester bilim almasý, tájiribe bólisý maqsatynda dóńgelek ústelge qatysty. Bul bastama bilim men biznestiń seriktestigin nyǵaitý úshin jasalǵan qadam. Bolashaqqa jasalǵan mundai igi bastamany basy-qasynda kolledjdiń oqý-óndiristik isi jónindegi direktor orynbasary Jazira Naýtieva uiymdastyrǵanyn aita ketken jón.
Is-shara barysynda uiymdastyrýshylar bilim men biznes arasyndaǵy ózara bailanys ornatýdyń mańyzyn atap ótti. Mamandyqtar jyly aiasynda bilimniń tek teoriiamen shektelmei, naqty tájiribemen tolyqtyrylatynyna toqtaldy. Bul, ásirese, aqparattyq tehnologiialar salasyndaǵy bolashaq mamandardy daiarlaýda óte mańyzdy.
Dóńgelek ústel barysynda stýdentter men biznes ókilderi birqatar ózekti máselelerdi talqylaýǵa múmkindik aldy. Bul máseleler arasynda eńbek naryǵynyń qajettilikteri, bilim berý baǵdarlamalarynyń beiimdelýi, taǵylymdamalardyń tiimdiligi men innovatsiialardyń engizilýi boldy. Stýdentterdiń usynysy men pikiri tyńdalyp, olar bilim berý úderisin jetildirýge qajetti tyń tujyrymdaryn ortaǵa saldy.
Is-sharanyń qorytyndysynda qatysýshylar bilim berý men biznes arasyndaǵy yntymaqtastyqty ary qarai nyǵaitýǵa, tájiribe almasýǵa jáne jańa ideialarmen bólisýge shaqyryldy. Mundai yntymaqtastyq stýdentterdiń básekege qabilettiligin arttyrýǵa kómektesetini sózsiz. Dóńgelek ústel kezinde stýdentter óz mamandyǵyna qatysty suraqtar qoiyp, bilim alýǵa degen ynta-yqylasyn kórsetti. Bul is-shara jastardyń kásibi damýyna, eńbek naryǵynda tabysty bolýyna zor yqpal etetini anyq.
Aldaǵy ýaqytta osy ideialar men pikirtalastardyń nátijesi bilim berý men biznes arasyndaǵy yntymaqtastyqty nyǵaitýǵa múmkindik beretini kúmánsiz.
