Búgin, 83 jasqa qaraǵan shaǵynda qazaq satirasynyń sardary, jazýshy, jýrnalist Úmbetbai Ýaidin ómirden ozdy, dep habarlaidy QazAqparat.
Úmbetbai Ýáidauly 1935 jyly 10 qarashada Aqtóbe oblysynyń Yrǵyz aýdanyna qarasty Temirastaý aýylynda týǵan. Qazaq memlekettik ýniversiteti filologiia fakýltetiniń jýrnalistika bólimin bitirgen. Qazaq radiosy, «Ara-Shmel» jýrnaly, Qazaqfilm kinostýdiiasy, «Óner» baspasy, Qazaqstan kitapqumarlar qoǵamy men Jazýshylar odaǵynda ár túrli qyzmetter atqarǵan. Kóp jyldan beri Ál-Farabi atyndaǵy QazMUÝ-dyń jýrnalistika fakýltetinde jáne Abai atyndaǵy qazaq tili men ádebietin tereńdete oqytatyn daryndy balalar mektep-internatynda ustazdyq etken.
Aqtóbe oblysynyń Shalqar, Yrǵyz aýdandarynyń qurmetti azamaty. Jekelegen kitaptary orys, ýkrain, qyrǵyz, qaraqalpaq, týva tilderine aýdarylǵan. «Qara kózildirik», «Endigisin aitpaimyn», «Ishiń bilsin», «Konteinermen kelgen kempir», «Tilsiz qońyraý», «Bydy-bydy», «Nanaiyn ba, nanbaiyn ba?», «Pálen-páshtýan», "Áýmin!», "Atyń kim, ái?», "Allo, bul kim?» syndy óleńder jáne ázil- syqaqtar jinaqtary jaryq kórgen.
