Qaraǵandy oblysynyń qylmystyq ister jónindegi mamandandyrylǵan aýdanaralyq sotynda (MAQS) alqabiler soty Sátbaev qalasynda kishkentai qyzdyń densaýlyǵyna aýyr ziian keltirý jáne zorlaý isi boiynsha úkim shyǵardy, dep habarlaidy "Ult aqparat".
Qaraǵandy oblysynyń MAQS baspasóz qyzmetinen málim etkendei, sottalýshylar QR QK-niń 120-baby 4-bóligi, 121-baby 4-bóligi, 106-baby 2-bóligi 3, 5, 11-tarmaqtary boiynsha aiyptalýda. Atalǵan baptar boiynsha erli-zaiyptylar Pr. jáne P. sotqa berildi.
Is Qaraǵandy oblysynyń qylmystyq ister jónindegi mamandandyrylǵan aýdanaralyq sotynda qaraldy.
«2020 jyldyń 23 shildesinde mas kúide bolǵan G. esimdi azamat óz úiiniń kireberisinde zardap shegýshi kishkentai qyzdy kezdestirip, ony ustap alyp, páterine kirgizgen. Sodan keiin G. kórshisi Pr.-dy shaqyryp, zorlyq-zombylyq jasaýdy usynǵan. Sońǵysy kelisimin bergen. Sodan keiin olar sottalýshy Pr.-dyń jubaiy P.-ny shaqyrǵan. Ol eki er adamnyń qylmystyq nietin bile tura, balaǵa anyqtalmaǵan zatpen inektsiia ekken. Qyz bala esin joǵalta bastaǵan.
Budan ári G. jáne erli-zaiyptylar jas balaǵa zorlaý jáne jynystyq sipattaǵy zorlyq-zombylyq áreketterin jasady.
Saraptama qorytyndysyna sáikes, jábirlenýshiniń psihikalyq densaýlyǵyna aýyr ziian keltirildi.
Daýys berý nátijeleri boiynsha alqabiler Pr. jáne P.-ny aiyptaýdyń barlyq baptary boiynsha kináli dep tapty.
Pr.-dyń áreketin aýyrlatatyn jaǵdai – qylmysty mas kúide jasaý. Jeńildetetin mán-jailar anyqtalǵan joq. Baiandalǵandy eskere otyryp, oǵan jazany qaýipsizdigi tótenshe mekemede óteý, ómir boiyna bas bostandyǵynan aiyrý taǵaiyndaldy. Bul rette, merzimniń alǵashqy 5 jyly tolyq qaýipsizdik mekemesinde ótelýi kerek», - dep málimdedi sottyń baspasóz qyzmetinen.
Ekinshi aiyptalýshyǵa keletin bolsaq, zań áielderge ómir boiyna bas bostandyǵynan aiyrýdy taǵaiyndaýǵa tyiym salady (QK-niń 46-baby). Sondyqtan sottalýshy P.-ǵa qylmystardyń jiyntyǵy boiynsha 22 jylǵa bas bostandyǵynan aiyrý jazasy taǵaiyndaldy. Oǵan ómir boiyna pedagogikalyq laýazymdardy jáne kámeletke tolmaǵandarmen jumys isteýge bailanysty qyzmetterdi atqarýǵa tyiym salyndy.
Úkim zańdy kúshine engen joq.
Esterińizge sala keteiik, kúdiktilerdiń biri – azamat G. tergeý kezinde sýitsid jasaǵan bolatyn. Oǵan qatysty is toqtatyldy jáne sotta qaralǵan joq.
Eske salaiyq, 2020 jyldyń 23 shildesi kúni saǵat 21.00-de Sátbaev qalasynyń politsiiasyna Jezqazǵan turǵyny óziniń 5 jasar qyzy joǵalyp ketkeni týraly habarlaǵan. Sátbaev qalalyq politsiia bóliminiń barlyq quramy men volonterler qatysqan izdeý sharalarynyń nátijesinde 5 jasar bala kópqabatty úidegi páterlerdiń birinen tabyldy. Dál sol kúni tártip saqshylary qylmysqa barǵan kúdiktini ustady.
Atalmysh oqiǵadan soń Sátbaev qalasynyń ondaǵan turǵyny bala tabylǵan úidiń mańyn qorshap, kúdiktini ózderi jazalamaqshy boldy.
Jaǵdaidy Ishki ister ministri Erlan Turǵymbaev jeke baqylaýyna alyp, birneshe bap boiynsha qylmystyq is tirkelgenin málim etti.
Birneshe ai ótken soń, 6 qazanda kúdiktilerdiń biri tergeý izoliatorynda óz-ózine qol saldy.
