QTJ Saryshaǵan jol distantsiiasy filialynyń direktory asa iri kólemde qarajat urlaǵany úshin sottaldy. Bul týraly "Ult aqparat" Sybailas jemqorlyqqa qarsy agenttikke silteme jasap habarlaidy.
«Jambyl oblysynyń Sybailas jemqorlyqqa qarsy qyzmeti buǵan deiin «Jambyl magistraldy jelisiniń bólimi» – «QTJ» UK» AQ filialynyń Saryshaǵan jol distantsiiasy (PCh-48) direktory T. S. Qydyrbaevqa qatysty tergeý júrgizgen.
Ol janar-jaǵarmai materialdary men baǵyttama burysynyń metall bólshekterin negizsiz esepten shyǵarý arqyly asa iri kólemde – jalpy somasy 16 million 78 myń teńge biýdjet qarajatyn jymqyrǵany úshin kúdikke ilindi», - delingen habarlamada.
Tergeý barysynda keltirilgen shyǵyn tolyǵymen óteldi.
Aǵymdaǵy jyldyń 26 jeltoqsanynda Qaraǵandy oblysy Priozersk qalalyq sotynyń úkimimen T. S. Qydyrbaev kináli dep tanylyp, memlekettik qyzmette belgili bir laýazym atqarýǵa ómir boiyna quqyǵynan jáne 7 jylǵa shartty túrde bas bostandyǵynan aiyrý jazasy kesildi.
